AF268: 25v

[terkīb‑i bend]

remel : fāʿilātün ‑ fāʿilātün ‑ fāʿilātün ‑ fāʿilün

1 Ceng içün ṣaf baġlayub geldi ʿadū‑yi ḫāksār
Merd olan [çü] meydāna girdi qıldı ʿazm‑i kār‑zār
Şāh ġāzī kūh‑veş qalb içre ṭutmışdı qarār
Baş vėrüb baş alur‑iken her delīri nām‑dār
Biz muḫanneslıq ėdüb ʿavret gibi qılduq firār
Zen gibi nezkeb giyüb başına olduq ḫar‑süvār
Er dėmeñ şimden gėrü bi‑llāhĭ qarı dėñ bize
Ġayri nām‑ile caġırmañız firārī dėñ bize

2 Oldı qaçmaqda Ḥüseyn Aġa bizüm serdārumuz
Anuñ ardınca Balıqcı‑zāde sancaq‑dārumuz
Anuñ ardınca Piyāle ketḫüdā dūndārumuz
Durmaduq qaçduq bıraqduq yalıñız ḫünkārumuz
Ėrdi üc günde Ṣava köprüsine ılġarumuz
Var qıyās ile qaçarken sürʿat‑i reftārumuz
Hey bize qaçmaqdan özge qalmadı çün kārumuz
Ġayra vėrsünler sezādur manṣıb u tīmārumuz
Ummasun ḫünkār bizden şimden gėrü ḥarb u ceng
Ṣaġ olalum tek hemān yeter bize nāmūs u neng

3 Her birimüz ẓann ėderken gendüsin bir pehlivān
Eyleyüb daʿvā benüm dėrken Nerīmān‑i zemān
Kāfiri gördük ki bizden yaña at ṣaldı revān
Eyledük esb‑i ṣabā‑reftāra ırḫāʾ‑i ʿınān
Ṣolnoġa bir gėcede gelduq [!] ėdüb ṭayy‑i mekān
Deşt ü ṣaḥrāda geçinduq [!] niçe gün bī‑āb u nān
ʿIrż gitdiyse n’ola qurtuldı qaldı baş u cān
Lāyıġız nā‑merd dėrlerse bize ḫalq‑i cihān
Yüzi qara bī‑ḥamīyetler muḫannesler bizüz
Başdan ayaġa ḫiyānetle mülevveslerbizüz

4 Cengden qaçmaġı ögretdibize ustādumuz
Ḥayli müşkildür bize terk eylemek muʿtādumuz
Urmamış her gez şecāʿat lāfını ecdādumuz
Ėtmesün kimse şecāʿatle cihānda yādumuz
Ḥāṣılı yalıñ qılıcumdur bizüm feryādumuz
Kāfiri görsek hemān ber‑bād olur bünyādumuz
Ḥakk olunsun pādişāhuñ defterinde adumuz
Pādişāhuñ dirliginegeçmesün evlādumuz
Dirlik [ü] tīmārumuz alanlara olsun ḥelāl
Kelleṣaġ olsun bulunmaz mı bize māl u menāl

5 İḫtiyār ėtdük olursa yėrimüz qaʿr‑ı saqar
Ẕikr olunmasun yanımuzda bizüm nām‑i sefer
Terk‑i serdür gerçi merd olanlara ġayret hüner
Bize müşkildür size āsān ise ger terk‑i ser
Heybet‑i ṭob u tüfengden qalbümüz eyler ḥaẕer
Her ne deñlü kim melāmetėtseler qalmaz eser